ГУЫМАГ ЛÆГ

ГУЫМАГ ЛÆГ
Гуымаг лæгыл Сослан фембæлы, Гуымы комы иу саджы фæстæ куы бафты, уæд. Саг уыйбæрц рæсугъд уыди, æмæ йæ Сосланы цæст фехсын нæ уарзта. Йæхи-иу куы базмæлын кодта саг, уæд-иу йæ хъуын алы æвзагæй суасыди. Гъе ныр æй фехсон, куыд загъта, афтæ фаты æхситт фæцыд, æмæ дæлæ саг фæтулы. Йæ марæг та уыд Гуымаг лæг. Сослан йемæ сбыцæу, уый мæ саг уыдис, зæгъгæ, фæлæ Гуымаг лæг тынг æгъдауджын разынд. Саг иумæ бастыгътой. Гуымаг лæг æй æртæ дихы акодта, Дыууæ хайы дзы рахицæн кодта Сосланæн, куыд дардбæстагæн, иу та – йæхицæн. Уый нæ, фæлæ ма йын зæгъы: «Нæртон лæг, ай дын кæнæ мæ кард, кæнæ мæ бæх, кæнæ мæ сагъадахъ. Бар дæ ис, лæвар дын кæнын, æмæ йæ мæ номыл фæхæсс Нарты бæстæм». Сослан ницы бакуымдта, фæлæ куы фæхицæн сты, уæд æм фæсмон æрцыд, æмæ йæ фæсте асырдта. Дыууæ лæгæн дзырд дзырды фæдыл асайдта, æмæ цирхъытæй кæрæдзи æстдæсгай цæфтæ фæкодтой. Уæдмæ æризæр ис, æмæ баныхас кодтой, афæдзы бонмæ сæ цæфтæ куы сдзæбæх уой, уæд уыцы ран фембæлын. Афæдзы фæстæ куы фембæлдысты, уæд бафидыдтой. Гуымаг лæг æй Гуымы хъæумæ фæхуыдта, иу абонæй иннабонмæ йæ фынгæй сыстын не суагъта. Иннабон куы æрцыди, уæд Сослан сфæнд кодта цæуын сæхимæ. Гуымаг лæг ын балæвар кодта йæ сагъадахъ, ноджы йын балæвар кодта саджы царм. Уыцы царм та ахæм уыдис, æмæ хъисæн хъуытаз æмæ æрдуйæн мырмыраг, æмæ-иу æй куы фезмæлын кодтаис, уæд-иу алы æвзагæй суасыди. Сослан дæр æй Нарты бæстæм фæхуыдта, балæвар ын кодта йæ бæх. Æмæ уæдæй фæстæмæ æрдхорд æфсымæртæй цардысты.

Словарь по этнографии и мифологии осетин. 2014.

Поможем сделать НИР

Смотреть что такое "ГУЫМАГ ЛÆГ" в других словарях:

  • Г — А Æ Б Г Д Дж Дз Е З И Й К Къ Л М Н …   Словарь по этнографии и мифологии осетин


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»